केही सिकौ!!!

अन्तर्राष्ट्रिय आतङ्कवादी सङ्गठनका नाइके बिन लादेनको अन्त्य भएको छ । २००१ सेप्टेम्बर ११ मा अमेरिकामा आक्रमण गरी एकाएक चर्चित बनेका उनलाई अन्ततः अमेरिकाले सिध्याएरै छाड्यो । अमेरिकाको अन्य देशमा हस्तक्षेप गर्ने नीति बेठीक हो भने उसलाई निम्त्याउन भूमिका खेल्नेले पनि उत्तिकै जिम्मेवारी लिन तयार हुनुपर्छ । संसार भरि नै धार्मिक कट्टरपन्थीहरुले आफ्नो जाति र धर्मबाहेक अरूको अस्तित्व देख्न नसक्दा आम जनताले सास्ती भोग्नुपरिरहेको छ । मानवीय धर्मका आधारमा संसारभरिका सबै मानिस समान हुन् भनेर हेर्ने हो भने ५० प्रतिशत समस्याको समाधान स्वतः हुन्छ । मुस्लिम धर्म र समुदायका लागि जेहाद छेडेका लादेनको हत्या हुँदा त्यही मुस्लिम समुदायले कुनै विरोध जनाएन । यसबाट के पुष्टि हुन्छ भने उनले जे गरे नकारात्मक दृष्टिकोणबाट प्रेरित भएर गरे । त्यसैले हामी यसबाट पाठ सिकेर जातीय र क्षेत्रीय संकीर्ण सोच त्यागौं र सकारात्मक दृष्टिकोणसाथ अघि बढौं ।

कान्तिपुर बाट साभार
धन्यवाद!

Posted in: यताउता बाट