“ लिमिसा “ मेरो सानी छोरी ~ लक्ष्मण गुरुङ

मेरो प्यारो छोरी " लिमिसा "

--- लिमिसा ----
आज मेरो बगैँचामा एउटा सुन्दर फूल फुलेको छ ।
रात दिन त्यही फूल नियाल्दै मा मेरो मन भुलेको छ ।

निस्चल्,कञ्चन,मनमोहक यसको रुप रङ्,
जून तारा जस्तो देख्दा छाउँछ मनमा उमङ्ग ।

मायाको यो उपहार जीवनकै भयो अङ्ग
चञ्चल नयन,मीठो मुस्कान देख्दै पर्छु दङ्ग ।

बढ्यो अझै जिम्मेवारी,थपियो अभिभारा,
खुशी जति दिन्छु यसलाई संसार कै सारा ।

बोकूँ बोकूँ लाग्छ तर छैन बोक्ने ढङ्ग,
गाह्रो गार्है हुँदोरहेछ समाल्न यी कलिला अंग ।

थेगिँदैन शिर अहिले,टेकिँदैनन्, पाउ,
बटुल्दैछु अनौठो अनुभव बनेर म बाउ!!
बटुल्दैछु अनौठो अनुभव बनेर म बाउ !!!
...लक्ष्मण गुरुङ.......

Friday, July 12, 2013

“ लिमिसा “ मेरो सानी छोरी

Friday, July 12, 2013

लक्ष्मण गुरुङ ' LaKshMaN '

No comments

कहिले हाँस्छे ४ वटा दाँत देखाएर ,,
                पुरै परिवार लाई हँसाउने गरी !!
    कहिले रुन्छे चर्को स्वरमा ,,
                     घर नै थर्काउने गरी !!!
            “ मेरो सानी छोरी “

                          खाना खा नै मान्दैनन् कहिले काँही,,
                                      टाउको बटार्छे खाना नै न हेरी !!
                               कहिले चाही मिथी मिथी भन्दै ,,
                                            मिठाइ माग्छे घरी घरी !!!
                                        “ मेरो सानी छोरी “

       तिमी हाँसी रहनु , खेली रहनु ,,
                        मेरो आँखा अगाडि सधैभरी !!
           माया गरी रहन पाउँ तिम्लाई ,,
                      सधैं सधैं यसैगरी !!!
                “ मेरो सानी छोरी “

                तिमी भन्छौ के , भन्न खोज्छौ के ,,
                          बोल्छौ तिमी बुझ्दै न बुझ्ने गरी !!
                  के भन्छौ तिमी , के के माग्छौ तिमी ,,
                           तिम्रो तोते बोली बुझूँ म कसरी !!!
                              “ मेरो सानी छोरी “

   संसारको सारा खुशी पाए मैले ,,
             भगवानको आशीर्वादले गरी !!
   मेरो काखमा खेली रहेकी छे ,,
                  आज एउटी सानी परी !!!
            “ मेरो सानी छोरी “
“

                        घाम बनि उदाउनु तिमी ,,
                                 अधेरोमा चम्कनु जुन तारा सरी !!
                     यसरी नै काखमा खेलाउँदै हुर्काउन पाउँ ,,
                                मेरो छोरीलाई अर्को जन्ममा फेरी !!!
                                “ मेरो सानी छोरी “

                             लिमिसा मेरो सानी छोरी
                             लिमिसा मेरो प्यारी छोरी


मेरो छोरीले केही कुरा इसारा गरेर भन्छीन , केही कुरा हातले देखाउ छिन। केही साधारण
बोलीहरु चाही स्पष्ट बोल्छीन जस्तै : बाबा , ममी , आमा , कान , कपाल आदी तर केही
शब्द हरु भने तोते बोली नै भन्छिन् र यसलाई म यसरी बुझ्छु।

छोरीले बोल्ने तोतेबोली
फि इनुन = फेरी दिनुस् न
ममी च्यूँ खाँजु = ममी दूध खान्छु
मोला = मोबाइल
भाँ इनुन = भात दिनुस् न
भाँ खाँजु = भात खान्छु
पि पि लाँइ = TV खोल्दिनुस
चि चि लाँइ = मासु दिनुस्
पा पा = पानी
गिती = गीत
नाँची = नाच
खाच्यो = खस्यो
दुना = दुनोट
आको = अर्को
न्याँउ = iphone ( Talking Tom )
मोमो = मःमः
मिथी = मिठाइ
पि पि = TV
आँथु = तातो
फेई = फेरी
बोल = बल